La vintricìne
Di Angelo Tarquinio
Pare nu fùbbàlle si diceve canda si faceve na ventricine nghì la visciche di nu porce fore misure/
‘bèlle, rosce fra carne e pipone trite/
piccante o chiù dògge seconde lu guste di la famije/
ma prime d’arruè a chi sta palle a da ricàpà la carne chiù meie e lu grasse chiù nobile e farla a pizze grusse come du dète /
la masse, ve spianate sopra a na taule e via pipone trite, sale e fiore finucchie/
poi s’ammische tutte e si mette, pi nzàpùrirle meie, nu pare di jurne dentra a na spase nghè nu piatte a lu fonne misse sottasepre p’àricchià la sculature/
nghe na machinetta a mane sa riempie e si presse la carne dentra a na vesciche e pi tinerle appese a lu suffitte s‘ingabbie stu pallone dentra a na rete fatte di spaghe ndricciàte chi li fà appàrì proprie come nu fubbàlle/
s’àppiccè lu foche a la ciumunire notte e jurne pìcchè la ventricine coma na regine nmèzza a na corte di mulette, saggicce, saggicciutte, pancette e lummelle a da sta calle e riguardate/
canda la famije a mè li faceve tutte l’inne, zi Camille la uardeve a una a une e quasi ci parleve e proprie come na squadre di iucature di fubbàlle li gireve e li spusteve pi fà vè a ognune li stisse uccasione/
prime di l’istàte quanda ormai ere bille e stagiunate si spusteve a puste chiù frische/
si ndùnacheve di strutte pi ni li fa assùchè troppe/
mamme, la sere d’estate pripareve pummàdore a nzàlate/
pijeve na ventricine la apriva sopra ndó minive a punte e nghe na fircine li cacceve a tangune dentra a nu piatte/
ugnune si pijeve na parte di chi la delizie chi sapeve di pipuna tostate e carne
stagionate/
lu grasse, bianche gnè la neve e a ogni mocciche aiuteve lu magre a squàiarse nmòcche ‘mèzze a nu guste di nocciole/
poi, finite li spartiziune la vesciche s’aribbìrriteve a cuprì la ventricine rimanente dendra a na spasette cuperte da nu piatte/
tutte si ieve a nette a nu puste fresche come na pitùcce sotta a li scale/
stù salame ormai è conosciute e apprezzate pì tutta l’Italie, però chi è nata a Scirne la vintricine la magnate pure dentra a la zuppette la matine pi culazione/
mó fra lu colesterolo e la pressione nzi pó, però canda tinghe nu pizzette di sta reliquije a lu frigorifiche ugne tante i facce visite/
moime ma guarde, nazziche la cocce e dice/
mo ti vi fà la comunione e rinnuvà li vute/